ថ្ងៃពុធ ទី១៨ ខែកក្កដា ឆ្នាំ២០១៨
Kay TVONLINE កំពុងសាកល្បង
អង្គភាព​ប្រឆាំង​អំពើពុករលួយ​គួរ​បើ​កការស៊ើបអងេ្កត​លើ លោក សន វី អគ្គនាយក​ទូរគមនាគមន៍​កម្ពុជា​ប្រព្រឹត្ត​អំពើ​ពុករលួយ ?
Mon,28 May 2018 (Time 09:05 AM)
ដោយ ៖ សហការី (ចំនួនអ្នកអាន: 140នាក់)

ភ្នំពេញ​៖ មេៗ​មន្ត្រី​នៅ​អង្គភាព ទូរគមនាគមន៍​កម្ពុ​ជា នេះ (T.C) ជាច្រើន អាណត្តិ​មកហើយ តែងតែ​កើត​មាន​រឿង​អា ស្រូវ​អំពើពុករលួយ​រហូត ផ្ទុះ​ការតវ៉ា​ពី​សំណាក់ មន្ត្រី និយោជិត ដែល​បម្រើ​ការងារ នៅ​ទីនោះ​ជា​បន្តបន្ទាប់ និង​មាន ការផ្លាស់ ប្តូរ តំណែង​អ​គ្ គ​នាយក​..០៥ រូប​. .​មកហើយ​។​

​ដូចជា​៖ ១.​លោក ញឹក កុសល្យ វិជ្ជា .២.​លោក ឡៅ សារឿ​ន .៣.​លោក​គឹម វិត្រា​.៤. ឡាយ ម៉ា​រី​វូ .៥.​លោក សន វី​.​អគ្គនាយក ទូរគមនាគមន៍​កម្ពុ​ជា (T.C).​ឡើង​ថ្មី​.​កាលពី​ព្រឹក​ថ្ងៃទី​៧ ខែ​មីនា​ឆ្នាំ​២០១៧ កន្លងទៅនេះ​មាន​ការ ប្រកាស​តែងតាំង​ជា ផ្លូវការ តំណែង អគ្គនាយក ទូរគមនាគមន៍​កម្ពុ​ជា (T.C) សម្រាប់​អាណត្តិ​ទី​៥ ក្រោម​វត្តមាន .​ឯកឧត្តម ត្រាំ អ៉ីវ តឹក រដ្ឋមន្ត្រីក្រសួង​ប្រៃសណីយ៍ និង​ទូរគមនាគមន៍​។​..​យោង​ព្រះរាជក្រឹត្យ​លេខ នស​/ រក​ន​/ ០២១៧/ ១៨២ ចុះ​ថ្ងៃ​ទី​២៤ ខែ​កុម្ភៈ​ឆ្នាំ​២០១៧ ត្រូវបានតែងតាំង លោក សន វី ជា​ប្រតិភូ​រាជរដ្ឋាភិបាល​កម្ពុជា​ទ​ទួល​បន្ទុក​ជា​អគ្គនាយក​នៃ​ទូរគមនាគមន៍​កម្ពុជា​មាន​ឋានៈ​ស្មើ​រដ្ឋលេខាធិការ​។​នៅតែ​យកដៃ ជើង​អ្នក​ចាស់​យក​មក​ប្រើការ នៅ​ទូរគមនាគមន៍​កម្ពុជា (T.C). ដែល​មាន​រឿង អាស្រូវ .​កើត​មាន​ដ៏​ដដែលៗ តែ សូម​លាក់​ឈ្មោះ ទុក​សិន ។​

​ដូច្នេះ​ជួយ​តាមដាន​មើល​ថា .​ក្រោយពេល លោក សន វី ឡើង​គ្រប់គ្រង តំណែង​ជា​អគ្គនាយក​ទូរគមនាគមន៍​កម្ពុជា (T.C) នឹង​នៅ​បន្ត វប្បធម៌​ពុករលួយ បក្សពួកនិយម គ្រួសារនិយម លើស​ជាង​សម័យ អគ្គនាយក​មុនៗ​ទៀត​ដដែលៗ ខណៈ​អំពើពុករលួយ ត្រូវបាន​គេ​ចាត់ទុកថា​ជា​ឧបសគ្គ​ដល់​ការអភិវឌ្ឍន៍​សង្គម​ជាតិ​ផងដែរ ។​

​ប្រភព​ពី​មន្ត្រី​ដែល​ស្និទ្ធ​នឹង​លោក សន វី អគ្គនាយក​ទូរគមនាគមន៍​កម្ពុជា​(TC) ត្រូវបាន​មន្ត្រី​ក្រោម​ឱវាទ លាតត្រដាង ជា​សាធារណៈ ដើម្បី​ឲ្យ​លោក ត្រាំ អ៊ីវតឹក រដ្ឋមន្ត្រីក្រសួង​ប្រៃសណីយ៍ និង ទូរគមនាគមន៍ បានដឹង​ឮ​និង​ចាត់វិធានការ​ទប់ស្កាត់ ផងដែរ​។ ទន្ទឹមនឹងនេះ​មាន​ការអំពាវនាវ​ឲ្យ​លោក ឱម យ៉ិនទៀង ប្រធាន​អង្គភាព​ប្រឆាំង អំពើពុករលួយ​បើក​ការស៊ើបអង្កេត​ទៅលើ​រឿងអាស្រូវ​ពុករលួយ​របស់លោក សន វី ឲ្យបាន​ស៊ីជម្រៅ​និង​ចាត់វិធានការ​តាម​នីតិវិធី​។

​ប្រភព​អោយដឹងទៀតថា​លោក សន វី អគ្គនាយក​អង្គភាព​ទូរគមនាគមន៍​កម្ពុជា កាល​ជំនាន់ លោក ប្រាក់ សុខុន នៅ​ធ្វើ​ជា​រដ្ឋមន្ត្រី​ក្រសួង ប្រៃសណីយ៍ និង​ទូរគមនាគមន៍​កម្ពុជា គឺ​លោក សន វី មាន​តំណែង ជា​អគ្គ​នា យក​ស្ដីទី​អង្គភាព​ទូរគមនាគមន៍​កម្ពុជា ហើយ​គ្មាន​អំណាច​ប្រព្រឹត្ត​អំពើពុករលួយ​ដូច​សព្វថ្ងៃ​នេះ​ឡើយ ។ ប៉ុន្តែ​នៅពេលដែល លោក ត្រាំ អ៊ីវតឹក​ចូលកាន់​តំណែង​ជា​រដ្ឋមន្ត្រី​ក្រសួង​ប្រៃសណីយ៍ និង​ទូរគមនាគមន៍ ហើយ លោក សន វី ទទួលបាន​តំណែង ជា​អគ្គនាយក​អង្គភាព​ទូរគមនាគមន៍​កម្ពុជា គឺ​លោក សន វី មានអំណាច យ៉ាង​ធំ ធេង​ក្នុង​ការឃុបឃិត​ជាមួយ​លោក អ៊ុង ពិ​សិទ្ធ ដើម្បី​កេងប្រវញ្ច​ថវិកា​ជា​តិយ៉ាង ពេញបន្ទុក​។

​ប្រភព​បានឲ្យដឹង​ទៀតថា លោក សន វី បាន​ផ្ដល់​អំណាច​ពេញ​ដែន​ក្នុង​ដៃ​ឲ្យ​លោក អ៊ុង ពិ​សិទ្ធ ក្នុងការ លើក ផែន ការ ហិរញ្ញវត្ថុ ហើយ​រាល់​ការចំណាយ សម្រាប់ អង្គភាព​សុទ្ធ តែ​មាន​ការ បំប៉ោង ដើម្បី​កេង ប្រវ័ញ្ច ថវិការដ្ឋ យក ចែកគ្នា ធ្វើ​មាន​ធ្វើ​បាន​យ៉ាង​សុខ​ស្រួល​។ ដោយ​មាន​ការបើក​ដៃ​ពី​សំណាក់​លោក សន វី ទើប​លោក អ៊ុង ពិ​សិទ្ធ អាច​ធ្វើ​អ្វីៗ​ស្រេច​តែ​អំពើ​ចិត្ត ហើយ​ថវិកា​ជាតិ​ត្រូវបាន​កេងប្រវញ្ច​កាន់តែច្រើន ព្រោះ​គ្មាន ការត្រួត ពិនិត្យឲ្យ បាន ត្រឹមត្រូវ​ពី សំណាក់​ថ្នាក់ដឹកនាំ​ក្រសួង​នោះ​ទេ​?​។​

​បញ្ហា​នេះ​ជា​រឿង​ដែល​លោក ត្រាំ អ៊ីវតឹក រដ្ឋមន្ត្រីក្រសួង​ប្រៃសណីយ៍ និង​ទូរគមនាគមន៍ មិន​គួរ​មើល រំលង​ត ទៅទៀត ទេ ព្រោះ​សព្វថ្ងៃ​លោក សន វី និង​លោក អ៊ុង ពិ​សិទ្ធ កំពុង​បន្ត​តួលេខ​នៃ ការចំណាយ សម្រាប់ អង្គ ភាព​ទូរគមនាគមន៍​កម្ពុជា តាម​អំពើ​ចិត្ត​។ ជាពិសេស​លោក ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ ក៏​គួរបើ​កការស៊ើបអង្កេ​ត​ឲ្យបាន​ទាន់​ពេល​ផងដែរ ក្នុង​ខណៈ​ដែល​មន្ត្រី​២​រូប​ខាងលើនេះ កំពុង​ឃុបឃិត គ្នា​ប្រព្រឹត្ត អំពើពុករលួយ​ដោយ​សេរី​។​

​ប្រភព​ពី​មន្ត្រី​បុគ្គលិក​អង្គភាព​ទូរគមនាគមន៍​កម្ពុជា បានឲ្យដឹងថា ចាប់តាំងពី​លោក សន វី ឡើងកាន់តំណែង​ជា​ប្រតិភូ​រាជរដ្ឋាភិបាល ទទួលបន្ទុក​ជា​គ្គនាយ​ក​ទូ​គមនាគមន៍​កម្ពុជា គឺ​ប្រាក់​ចំណូល​សម្រាប់ អង្គភាព​មាន ការបាត់បង់ យ៉ាងច្រើន​សន្ធឹកសន្ធាប់​។​

​ប្រភព​ពី​មន្ត្រី​បុគ្គលិក​នៅក្នុង​អង្គភាព​ទូរគមនាគមន៍​កម្ពុជា បានឲ្យដឹងថា ក្រោយ​ពេល​លោក សន វី ទទួលបាន តំណែង ជា​អគ្គនាយក​អង្គភាព​ទូរគមនាគមន៍​កម្ពុជា ក៏​បាន​លើក​បន្តុប​លោក អ៊ុង ពិ​សិទ្ធ អនុប្រធាន នាយក ដ្ឋា​ន​ផែនការ​ហិរញ្ញវត្ថុ គ្រប់គ្រង​តួ​នា ទី​យ៉ាងសំខាន់​ក្នុង​ការកឹបកេង​ថវិកា​ចំ​ណូល សម្រាប់​អង្គភាព​ទាំងមូល​។
​ករណី​ខាងលើ នេះ​សារព័ត៏មាន​យើង​បាន​ទាក់ទង​តាម​ទូរស័​ព្ទ​សុំ​ការបំភ្លឺ​ពី​លោក សន វី អគ្គនាយក​អង្គភាព​ទូរគមនាគមន៍​កម្ពុជា​បាន​នោះ​ទេ ?៕

ល្បីណាស់! លោក អ៊ុក សុផលនាយកទីចាត់ការហិរញ្ញវត្ថុ បង្កក្លិនពុករលួយនៅក្នុងសាលាក្រុងភ្នំពេញ
Mon,28 May 2018 (Time 09:05 AM)
ដោយ ៖ សហការី (ចំនួនអ្នកអាន: 140នាក់)

ភ្នំពេញ៖ តាមសេចក្តីរាយការ មួយបាន អោយ ដឹងថា៖ ចាប់តាំងពីលោក អ៊ុក សុផល បាន ចូលមកកាន់ ដំណែងជា នាយក ទីចាត់ការ ហិរញ្ញវត្ថុនៃ សាលារាជ ធានីភ្នំពេញមក អស់រយះ ពេលជិត ២អណត្តិកន្លង ផុតទៅធ្វើ ឲ្យ មន្ត្រីរាជការ ក្រោមឱវាទនៅសាលារាជធានីភ្នំ ពេញ មិនមាន ការពេញចិត្តទាល់តែសោះ ដែលមានឈ្មោះ អ៊ុក សុផល តែងតែបង្ក ព្យុះ ភ្លៀងពេញរាជធានីភ្នំពេញ។

បើតាមប្រភព ពីមន្រ្តីនៅសាលា រាជធានីភ្នំ ពេញ សុំមិនបញ្ចេញឈ្មោះ បានបង្ហើប ឲ្យដឹង ថា៖ សាលារាជធានីភ្នំពេញកាល ពីជំនាន់ លោក ប៊ុន សេរី ធ្វើជានាយក ទីចាត់ការហិ រញ្ញវត្ថុ គឺមិនសូវប្រឹងបូមដូច លោក អ៊ុក សុផល បច្ចុប្បន្ននេះទេ ដូចករណី ដេញថ្លៃ គំរោង អភិវឌ្ឍន៍ ហេដ្ឋារចនាសម្ព័ន្ធ ផ្លូវលូ សួនច្បារ ភ្លើងបំភ្លឺ សាធារណះ ជាពិសេស គឺការកៀបសង្កត់ ចំពោះអាជីវករ ក្រុមហ៊ុន ស្ថាប័នឯកជនផ្សេងៗ នោះគឺជា ជំនាញ របស់លោក អ៊ុក សុផល នេះតែម្ដង។

ចំណែកឯការ រៀបចំគំរោង ដោះដូរបង្គោល ភ្លើង អំពូលភ្លើង រនាំងពុះចែក ទ្រូងផ្លូវគឺពូកែ ផុតលេខ ព្រោះគំរោងមួយនេះ គឺ ឆ្ងាញ់ណាស់ ។ ជាក់ស្ដែងដូច ជាគំរោងស្ថាបនា ផ្លូវបេតុង ពីច្រមុះ ជ្រូកស្ទឹងមានជ័យ ទៅដល់ រង្វង់មូល ថ្នល់បំបែកខេត្តកណ្ដាល តាកែវ ដែលតម្រូវ អោយ ក្រុមហ៊ុនណឹម ម៉េងខូអិលធីឌី ជាអ្នក ទទួល សាងសង់គឺ ត្រូវមេម៉ាយលែង បន្តធ្វើ អោយរួចរាល់ដូចកាលដែល បានចុះកិច្ច សន្យា ជាមួយ សាលារាជធានីភ្នំពេញ។អ្វីទាំងនេះដោយសារតែ ពិបាករឿង លុយកាក់ ដែល ក្រុមហ៊ុន ត្រូវបើកពីលោក អ៊ុក សុផល នាយក ទីចាត់ការហិរញ្ញ វត្ថុសាលារាជធានី ភ្នំពេញ ឬមួយពាក់ព័ន្ធ ជាមួយនឹង អំពើ ពុករលួយដូចជា ការកាត់លុយ ឬត្រូវចំណាយ ថ្លៃ ទឹកប៊ិចរបស់លោក អ៊ុក សុផល ទើបអាច ទទួលបាន ហត្ថលេខាពីលោក អ៊ុក សុផល ដើម្បី អោយមន្រ្តី គណៈនេយ្យ អាចទៅបើក លុយ រតនាគារបាន។

ពាក់ព័ន្ធនឹង អំអើពុករលួយ នេះដែរ បើតាមប្រពភ ព័ត៌មាន ពីប្រធានអង្គភាព ជំនាញមួយ ចំនួនដែលស្ថិត នៅតាមមន្ទីរក្រោមឱវាទ សាលារាជធានីភ្នំពេញ បានរៀបរាប់ ប្រាប់អ្នក សារព័ត៌មានថា៖ រាល់គំរោងទាំងអស់ ដែល មន្ទីរ ទទួល បានការអនុញ្ញាត ពីសាលា រាជធានី ភ្នំពេញដើម្បីយក មកអនុវត្ត ពេល បើកលុយគឺត្រូវចំណាយ ថ្លៃទឹកតែយ៉ាង តិចបំផុតពី ១០ទៅ១៥% សម្រាប់ លោក អ៊ុក សុផល បើមិនអញ្ជឹងទេ ពេលចូលទៅ សុំ បើក លុយម្ដងៗ ពីលោក អ៊ុក សុផលមិន ព្រមបើកទ្វារ បន្ទប់អោយ ចូលនោះឡើយ ហើយបើចូលជួបហើយ គាត់ឆ្លើយ ថារវល់មេ ហៅទៅជួបរួច ក៏ចេញទៅបាត់ ធ្វើអោយស្ទះ ការងារគេរាប់ខែ ពិសេសកម្មករ ដែលគ្នាមាន ជីវភាពខ្សត់ខ្សោយនោះ។

បើតាមប្រភព ព័ត៌មានសុំមិន ប្រាប់ឈ្មោះ បាន លួចខ្សឹបប្រាប់ឲ្យដឹងទៀតថា៖ ពាក់ព័ន្ធ នឹងគំរោង ចំណាយ មួយចំនួនសម្រាប់ការ សាងសង់ ផ្លូវ លូ បង្គោលភ្លើង អំពូល ភ្លើងស្មៅ ផ្កា និយាយអោយចំគឺ គ្រឿង លំអរទីក្រុង តែម្ដង ដែលលោក អ៊ុក សុផល រួមជា មួយលោក ប្រធានមន្ទីរ សាធារណះការ រាជធានីភ្នំពេញ នឹងក្រុ មហ៊ុន ដែលទទួល ម៉ៅការ ធ្វើជាអ្នករៀបចំគំរោងក្នុងការ ដាក់ត ម្លៃសម្រាប់ ចំណាយដើម្បី បានការឯកភាព ពីប្រមុខរាជរដ្ឋាភិបាល មួយវិញទៀត ករណី ដែលប្រជាពលរដ្ឋ លែងបោះឆ្នោត គាំទ្រ ជូនគណះបក្សប្រជាជនកម្ពុជា នោះមិនមែន គេស្អប់ បេក្ខជនចៅសង្កាត់ នោះទេ នេះមក ពីទង្វើមន្រ្តីដូចជា លោក អ៊ុក សុផល នេះឯង បាន ធ្វើអោយដំណឹង ឬព័ត៌មានដែល លោក អ៊ុក សុផល កាត់លុយពីប្រធាន អង្គភាព ជំនាញ ឬ ដល់កូនៗ របស់ពួកគេដូច្នេះ កូនៗ ទាំងនោះពេលទៅ រៀនវាយកពាក្យ ទាំងនោះ ទៅប្រាប់តៗគ្នា។

ជុំវិញព័ត៌មាន ខាងលើ បើតាម ក្រុមអ្នកតាម ដាន (ជាពិសេស អ្នកសារព័ត៌មាន) បានជជែកគ្នា នៅតុកាហ្វេថា ចំពោះករណី លោក អ៊ុក សុផល នាយកទីចាត់ការ ហិរញ្ញវត្ថុ សាលារាជធានី ភ្នំពេញ មាន តែឯក ឧត្តមទេស រដ្ឋមន្រ្តី ឱម យិនទៀងទេ ទើប អាច ចាត់ការបាន បើមិនអញ្ចឹងទេ យើងរង់ចាំ មើល ឯកឧត្តម ឃួង ស្រេង អភិបាល រាជធានីភ្នំពេញថ្មី នេះថាតើ ហ៊ានមានចំណាត់ ការ ជាមួយ លោក អ៊ុក សុផល ដែរឬអត់?។ចំពោះការពាក់ព័ន្ធព័ត៌មាន ខាងលើនេះដែរ អ្នកសារព័ត៌មាន មិនអាចទំនាក់ទំនង សុំការ បកស្រាយពី លោក អ៊ុក សុផល បានឡើយ ព្រោះបន្ទប់របស់ លោកឲ្យតែឃើញ អ្នកសារ ព័ត៌មាន ចូលទៅ គឺលោក អ៊ុក សុផល ចាក់គ្រលឹសជាប់។

ដូច្នេះជុំវិញ ព័ត៌មាន ខាងលើនេះដែរ ខាងសារព័ត៌មានយើងរងចាំការបកស្រាយគ្រប់ពេលវេលាពីលោកអ៊ុ ក សុផល រាល់ម៉ោង ធ្វើការ៕(សាកល្បង)

សម្តេចតេជោហ៊ុន សែន​បានអញ្ជើញជួបសំណេះសំ​ណាល ព្រមទាំងពិសារអាហា​រជាមួយ បងប្អូនអ្នកធាក់ស៊ីក្លូ
Sat,13 January 2018 (Time 11:19 PM)
ដោយ ៖ (ចំនួនអ្នកអាន: 140នាក់)

នៅព្រឹកថ្ងៃសៅរ៍ ១២រោច ខែបុស្ស ឆ្នាំរកា ព.ស២៥​៦១ ត្រូវនឹងថ្ងៃទី១៣ ខែមករា ឆ្នាំ២០១៨នេះ បន្ទាប់ពីបានអញ្ជើញទស្សនាពិព័រណ៍យោធា និងកីឡាកងទ័ពរួចហើយ សម្តេចតេជោ ហ៊ុន សែន​ នាយករដ្ឋមន្ត្រី បានអញ្ជើញជួបសំណេះសំណាល ព្រមទាំងពិសារអាហារជាមួយបងប្អូនអ្នកធាក់ស៊ីក្លូក្នុ​ងរាជធានីភ្នំពេញចំនួន ៣០៨នាក់ ដែលធ្វើឡើង​នៅមជ្ឈមណ្ឌលកោះពេជ្រ។ យើងដឹងហើយថា ស៊ីក្លូ គឺជាអត្តសញ្ញាណមួយរបស់ជាតិយើងដែរ ដែលយើងត្រូវនាំគ្នាថែរក្សាកុំអោយបាត់បង់។នៅ​ក្នុងឱកាសដ៏វិសេសវិសាលនេះ សម្តេចតេជោ នាយករដ្ឋមន្រ្តី បានប្រកាសបើកជាផ្លូវការនូវ “សមាគមមូលនិធិត្រីចក្រយាន (មូលនិធិស៊ីក្លូ)។ មូលនិធិនេះ គឺចាប់ផ្តើមពីថវិកាសប្បុរស ៥០០ លានរៀល ដែលបានទទួលពីសប្បុរសជននានា និងពាណិជ្ជករនៅក្នុងប្រទេស។ បងប្អូនអ្នកធាក់ស៊ីក្លូ គឺអាចដាក់ពាក្យសុំចូលជាសមាជិកសមាគបាន ដោយមិនតម្រូវអោយបង់ប្រាក់សមាជិកឡើយ។ សមាជិកទាំងអស់នឹងទទួលបាននូវផលប្រយោជន៍មួយចំនួនដូចជាៈ
១)ប្រាក់ជួលស៊ីក្លូប្រចាំថ្ងៃ ២,០០០៛
២) ប្រាក់អាហារ ៥,000៛
៣) សេវាថែទាំសុខភាព និងព្យាបាលដោយឥតគិថ្លៃនៅតាមមន្ទីរពេទ្យរដ្ឋ ដែលផ្តល់ដោយមូលនិធិសមធម៍។ក្រៅពីផលប្រយោជន៍ខាងលើ គឺសមាគមនឹងពិចារណាក្នុងការផ្តល់ការឧបត្តម្ភបន្ថែមជូនបងប្អូនអ្នកធាក់ស៊ីក្លូ ដូចជាក្នុងរដូវបុណ្យទាន (ចូលឆ្នាំ និងភ្ជុំបិណ្ឌ មរណៈភាព…ជាដើម)។ សម្តេចតេជោ ហ៊ុន សែន ត្រូវបានជ្រើតាំងជា ប្រធានកិត្តិយសរបស់ “សមាគមមូលនិធិត្រីចក្រយាន (មូលនិធិស៊ីក្លូ)”។ នៅថ្ងៃនេះបងប្អូនសមាជិកអ្នកធាក់ស៊ីក្លូទាំង៣០៨នាក់ នឹងទទួលបានប្រាក់ឧបត្ថម្ភ ៥៧ម៉ឺនរៀល (៥០,០០០៛ ជាអំណោយ ពីសម្តេចតេជោ និងសម្តេចកិត្តិព្រឹទ្ឋបណ្ឌិត និង ៧០,០០០៛ ប្រាក់ពីមូលនិធិ) ព្រមទាំង ភួយ, អាវរងារ, កន្សែង,ក្រមា អាវភ្លៀង មុង និងអង្រឹងជ្រលក់ថ្នាំការពារមូស។ មូលនិធិទាំងនេះ គឺដាក់នៅក្នុងកាត Wing ដែលបងប្អូនងាយស្រួលអាចបើកនៅ Wing នៅគ្រប់ទីកន្លែង។ នេះគឺជាយកចិត្តទុកដាក់ដ៏ខ្ពង់ខ្ពស់របស់សម្តេចទាំងទ្វេ ដើម្បីអោយជីវិត និងជីវភាពរស់នៅរបស់លោកតា អុំ ពូ និងបងប្អូនអ្នកធាក់ស៊ីក្លូទូទាំងប្រទេសកាន់តែប្រសើរឡើង។ សូមបងប្អូនអ្នកធាក់ស៊ីក្លូ គោរពច្បាប់ចរាចរណ៍ កុំប្រើប្រាស់គ្រឿងស្រវឹងដើម្បីចៀសវាងគ្រោះថ្នាក់ផ្សេងៗ។ សូមក្រុមហ៊ុនទេសចរណ៍ជួយទាក់ទាញទេសចរបរទេសអោយចូលរួមប្រើប្រាស់ស៊ីក្លូ។ យើងចូលរួមជិះស៊ីក្លូដើម្បីជួយលើកស្ទួយជីវភាពបងប្អូនស៊ីក្លូ។ ស៊ីក្លូ គឺកាត់បន្ថយការបំពុលបរិស្ថានក្នុងទីក្រុង។សម្តេចតេជោ ហ៊ុន សែន បានអរគុណដល់សប្បុរជនទាំងអស់ដែលបានឧបត្ថម្ភដល់មូលនិធិស៊ីក្លូថ្ងៃនេះ និងបន្តឧបត្ថម្ភប្រចាំឆ្នាំ។ នៅថ្ងៃនេះ មូលនិធិសរុបដែលទទួលបានជាបថមគឺមាន ប្រាក់វិភាគទានសម្តេចតេជោ និងសម្តេចកិត្តិ ២៤០,០០0ដុល្លារ និងប្រាក់សប្បុរជនជាង ២០០,០០០ ដុល្លារថែមទៀត៕

វីដែអូ

ចំនួនអ្នកទស្សនា

ថ្ងៃនេះ :
15 នាក់
ម្សិលមិញ :
3 នាក់
សប្តាហ៍នេះ :
84 នាក់
ខែនេះ :
263 នាក់
3 ខែនេះ :
729 នាក់
សរុប :
22005 នាក់